អាមេរិក៖ បទបញ្ជារបស់លោកប្រធានាធិបតី Donald Trump សម្រាប់ការវាយប្រហារតាមអាកាស ទៅលើក្រុមជីវពលអ៊ីរ៉ាក់ដែលគាំទ្រដោយទីក្រុងតេអេរ៉ង់ បន្ទាប់ពីការសងសឹកប្រឆាំងនឹងអ៊ីរ៉ង់អស់រយៈពេលជាច្រើនខែ បានផ្ញើជាសារយ៉ាងច្បាស់មួយកាលពីថ្ងៃអាទិត្យថា ការសម្លាប់ជនជាតិអាមេរិក គឺជាបន្ទាត់ក្រហមដែលលោកបានកំណត់។ ប៉ុន្តែក្រុមអ្នកជំនាញបានព្រមានថា បើពុំមានការទប់ស្កាត់អ៊ីរ៉ង់អាចនឹងរកឃើញ សញ្ញាបន្ទាត់នោះថាមានចន្លោះណាមួយ សម្រាប់ពួកគេបន្តសកម្មភាពបង្ករឿង ដែលបានជំរុញឲ្យមានភាពតានតឹងនៅទូទាំងតំបន់ឈូងសមុទ្រ ពេញមួយឆ្នាំ២០១៩។
ហើយដោយសារលោក Trump កំពុងប្រឈមនឹងការប្រកួតប្រជែង ការបោះឆ្នោតអាណត្តិទី២ នៅឆ្នាំ២០២០ អ្នកខ្លះបាននិយាយថា ទីក្រុងតេអេរ៉ង់អាចនឹងបង្កើនសកម្មភាពរបស់ខ្លួន ប្រឆាំងនឹងការសន្យារបស់ប្រធានាធិបតី ក្នុងការដកកងទ័ពអាមេរិកចេញពីតំបន់មជ្ឈិមបូព៌ា។ មន្ត្រីអាមេរិកបាននិយាយកាលថ្ងៃច័ន្ទថា លោក Trump បានអនុវត្តន៍ភាពអត់ធ្មត់ជាយុទ្ធសាស្ត្រ ក្នុងអំឡុងពេលមួយឆ្នាំកន្លងមក ដោយប្រឈមទៅនឹងសកម្មភាពយោធារបស់អ៊ីរ៉ង់ ដែលកំពុងកើនឥទ្ធិពលនៅក្នុងតំបន់ប្រជែងជាមួយអាមេរិក និងសម្ព័ន្ធមិត្តរបស់សហរដ្ឋអាមេរិក។ ប៉ុន្តែពួកគេបាននិយាយថា ការបាត់បង់ជីវិតរបស់អ្នកម៉ៅការស៊ីវិល របស់អាមេរិកម្នាក់កាលពីថ្ងៃសុក្រនៅឃឺគុក (Kirkuk) ក្នុងការវាយប្រហារដោយគ្រាប់រ៉ូកែត ពីសំណាក់កងពលតូចហេសបូឡា ជាកងជីវពលគាំទ្រដោយអ៊ីរ៉ង់បានបង្ខំឱ្យលោក Trump ចាត់ការ។
សមាជិកក្រុមហេសបូឡាយ៉ាងហោចណាស់ ២៥នាក់បានបាត់បង់ជីវិត នៅក្នុងការវាយប្រហារសងសឹករបស់សហរដ្ឋអាមេរិក កាលពីថ្ងៃអាទិត្យទៅលើមូលដ្ឋានចំនួន៥ របស់ពួកគេនៅក្នុងប្រទេសអ៊ីរ៉ាក់ និងស៊ីរី។ នាយករដ្ឋមន្ត្រីអ៊ីរ៉ាក់លោក Adel Abdul Mahdi កាលពីថ្ងៃច័ន្ទបានថ្កោលទោស ការវាយប្រហារតាមអាកាសរបស់អាមេរិក ទៅលើមូលដ្ឋានរបស់កងជីវពលអ៊ីរ៉ាក់គាំទ្រដោយអ៊ីរ៉ង់ ជាសកម្មភាពមួយដែលអាចធ្វើឱ្យអ៊ីរ៉ាក់ ធ្លាក់ចូលទៅក្នុងជម្លោះតំណាងដ៏ជ្រៅបន្ថែមទៀត រវាងសហរដ្ឋអាមេរិក និងអ៊ីរ៉ង់៕
អត្ថបទ៖ សុខមាន
ពត៌មានលំអិត៖ 016 414 818 / 078 418 416
សូមចុចលីងនេះ សំរាប់ការយល់ដឹងពីការជួញដូរ FOREX
Comments
Post a Comment