កងទ័ពរដ្ឋាភិបាលស៊ីរី និងរុស្ស៊ីបន្តវាយប្រហារទៅលើតំបន់ភាគខាងត្បូងទីក្រុងអាឡេប៉ូ
ស៊ីរី៖ ចលនាការពារជនស៊ីវិលរបស់ក្រុមប្រឆាំងស៊ីរី ដែលគេស្គាល់ផងដែរថាជាក្រុមមួកស បានចេញវីដេអូកាលពីថ្ងៃចន្ទបង្ហាញឲ្យឃើញ ពីអ្វីដែលពួកគេនិយាយថា កំពុងបាញ់ផ្លោងដោយកងកម្លាំងរបស់ស៊ីរី និងរុស្ស៊ីទៅលើភូមិមួយកន្លែង នៅទីជនបទភាគខាងត្បូងទីក្រុងអាឡេប៉ូ។
ក្រុមឃ្លាំមើលសិទ្ធិមនុស្សស៊ីរីមានមូលដ្ឋានក្នុងប្រទេសអង់គ្លេស ជាក្រុមពិនិត្យសង្គ្រាមរបស់ក្រុមប្រឆាំង បាននិយាយកាលពីថ្ងៃចន្ទម្សិលមិញថា យន្តហោះចម្បាំងរុស្ស៊ីមួយចំនួន បានបន្តទម្លាក់គ្រាប់បែករបស់ពួកគេនៅតំបន់នេះ ខណៈស្ថានភាពអាកាសធាតុមានភាពល្អប្រសើរ អនុវត្តការវាយឆ្មក់ចំនួន ១៩លើកនៅតាមទីជនបទភាគខាងត្បូងទីក្រុងអាឡេប៉ូ។ ក្រុមឃ្លាំមើលក៏បានរាយការណ៍ផងដែរថា យន្តហោះចម្បាំងរបស់ស៊ីរីបានអនុវត្ត ការវាយប្រហារជាច្រើនលើកនៅតាមផ្នែកភាគខាងត្បូង នៃតំបន់ជនបទទីក្រុងអាឡេប៉ូនោះដែរ។ កងទ័ពស៊ីរីបាននឹងកំពុងសម្រុកចូលបន្តិចម្តងៗ ទៅខេត្តអ៊ីតលីបគ្រប់គ្រងដោយពួកឧទ្ទាម បើទោះបីមានបទឈប់បាញ់ដ៏ផុយស្រួយ ដែលសម្របសម្រួលដោយរុស្ស៊ីកាលពីក្នុងខែកញ្ញា ឆ្នាំ២០១៩ ក៏ដោយ។ ចាប់តាំងពីមានបទឈប់បាញ់នេះមក រដ្ឋាភិបាលនឹងកំពុងវាយលុកឆ្ពោះទៅកាន់ផ្លូវហាយវ៉េ យុទ្ធសាស្ត្រមួយកន្លែងដែលភ្ជាប់ទៅរដ្ឋធានីដាម៉ាស់ និងភាគពាយ័ព្យទីក្រុងអាឡេប៉ូ៕
អត្ថបទ៖ រិទ្ធី
ពត៌មានលំអិត៖ 016 414 818 / 078 418 416
សូមចុចលីងនេះ សំរាប់ការយល់ដឹងពីការជួញដូរ FOREX
Comments
Post a Comment